வானம் வசப்படும்

இறந்தகாலத்தில் நிகழ்காலம்

2009-07-30T11:21:00.002+05:30

புதைபொருள் ஆராய்ச்சி
முதுமக்கள் தாழி : உள்ளே
சிதைந்த சிம்கார்டு

கூடா நட்பு

2009-07-22T23:11:00.001+05:30

பத்தில் ஒன்றுக்கே விசம்
அடிபட்டுச் சாகின்றன
மற்ற ஒன்பதும்

மின் தடையால் :

2009-07-11T09:21:00.002+05:30

நகரஇரவில் மின்தடையில்
தெளிவாகத் தெரிகின்றன :
நட்சத்திரங்கள்

சரியாகாத வியாதி

2009-05-13T17:06:00.003+05:30

இரவில் நடக்கும் வியாதி
இன்னும் சரியாகவில்லை
நிலாவுக்கு

திட்டமிடு

2009-02-19T02:20:00.003+05:30

நிதானமாய்த் திட்டமிட்டால்
நடக்காமல் தடுக்கலாம்
கடைசி நேர ஓட்டத்தை

களங்கம் இருந்தாலும்...

2009-02-19T02:10:00.005+05:30

களங்கம் குறை இருந்தாலும்
அழகுக்கு எடுத்துக்காட்டாய்
என்றென்றும் : நிலா

மேகம்

2009-02-19T01:57:00.004+05:30

என் தூண்டிலில் சிக்கவே இல்லை
குளத்துக்குள் நகர்ந்துகொண்டு
இருக்கும் : மேகம்

நியாயவிலைக் கடை

2009-02-14T16:14:00.002+05:30

ஏழை துயர் துடைக்கும் அரசாங்கக்கடை
இருப்பில் இருக்கும் எப்போதும்
இருப்பு இல்லை என்ற பதில்

பதட்டம்

2009-02-14T16:10:00.002+05:30

திடீர் மழையில்
ஒதுங்க இடம்தேடி ஓடுபவர்
கையில் விரிக்காத குடை

ரத்தம் உறியும் அட்டை

2009-02-14T16:03:00.002+05:30

உயிர் இருக்கும் வரை உறியும்
உயிரே இல்லாத
கடன் அட்டை

வாடிய பூ

2009-02-14T15:59:00.002+05:30

விற்காத பூக்கள் வாடாமல் கூடையில்
வாடிப்போன அரும்பாக
பூ விற்கும் சிறுமி

பட்ட மரம்

2009-02-14T15:55:00.003+05:30

பட்ட மரத்தின் இலையில்லா கிளைகளில்
பச்சை பச்சையாய் அசையும் :
கிளிகள்

உயிரா?உயிலா?

2009-02-14T15:46:00.003+05:30

உயிர் துறந்தவரை அனுப்பிவிட்டு
உயில் திறக்கும் ஆர்வத்தில்
அவசரமாய் வாரிசுகள்

சூத்திரம்

2009-02-14T15:41:00.003+05:30

சாதி ஒழிப்புப் போராட்டம்
முடிந்த அடுத்தக் கட்டம்
இட ஒதுக்கீடு ஆர்ப்பாட்டம்

நிழல்!

2009-02-14T15:30:00.003+05:30

நாலு தலைமுறை இளைப்பாறிய மரம்
வெட்டிய இடத்தில் நாலு பேர்
தங்கிச் செல்லும் நிழற்குடை

மறக்காமல்..

2009-02-14T15:20:00.003+05:30

குடை மறந்த நாளில்
மறக்காமல் வந்தது :
மழை

ஆண்களுக்கும் பிரசவ வேதனை..!

2009-01-11T20:06:00.003+05:30

பெண்களின் பிரசவ வேதனை
ஆண்களுக்கும் உணர்த்தியது:
பெட்ரோல் பங்க்

கணினி

2009-01-05T22:14:00.003+05:30

எலியின் வால் பிடித்து
சன்னலுக்குள் எட்டிப்பார்த்தால்
விரிகிறது உலகம்

குழப்பினால் நல்லது

2009-01-05T22:07:00.003+05:30

தெளிந்த குளத்தை
கலக்கினால் நல்லது தான் :
மீன் பிடிக்க

வளர்ச்சியால் வீழ்ச்சி

2009-01-05T22:00:00.004+05:30

வளர்ந்தது விஞ்ஞானம்
சுருங்கியது நேரமும் தூரமும்
கூடவே உறவும் உணர்வும்

பேராசை

2009-01-05T21:55:00.002+05:30

அறுசுவையில் சோறு
ஆங்கிலத்தில் பேரு :பிறக்க
ஏங்குகிறாள் மாடிவீட்டில் நாயாக

தேவையில்லை கருத்தடை

2009-01-05T21:45:00.004+05:30

அறுவடை நெல்லை மறுபடி
விதைத்தால் முளைக்காதாம் :
இதற்குமா கருத்தடை

வாழ்வாதாரம்

2009-01-05T21:39:00.004+05:30

எப்படியும் கிடைக்கும் சாப்பாடு
வயல் விற்றான் நம்பிக்கையோடு:
பயல் படிப்புக்காக

தேவையில்லா சாதனை

2009-01-05T21:34:00.005+05:30

ஒரு தலைமுறையோடு நிறுத்திக்
கொள்ளும் நெல்லும் கோழியும் :
மரபணு சாதனையால் வந்த சோதனை

அரசியலில்....

2009-01-05T21:30:00.002+05:30

மரம் நடும் விழா
குழப்பத்தில் குடிமகன்
நடப்படுகிறது செடி

உண்மை

2008-12-25T18:12:00.003+05:30

சமையல்காரர் ருசிபார்த்தபின்
மிச்சத்தில் பசியாறுகிறார்:
முதலாளி

பாரம்பரியத்தின் விலை

2008-12-25T18:08:00.003+05:30

வெறும் ஆயிரம் விலைபோனது
நூறு ஆயிரம் கரு சுமந்த
மரம்

மூன்றாம் சாதி !

2008-12-25T17:58:00.003+05:30

"சாதி இரண்டொழிய வேறில்லை"
மற்றொன்றும் உண்டு:அது
ஏமாறும் சாதி

பேருந்து

2008-12-08T21:56:00.000+05:30

இல்லாதவரிடம் எதிர்பார்த்து எதிரே
இருப்பவர் நிற்கிறார் :எழுந்தவுடன்
இடம் பிடிக்க

தொழிலே தெய்வம்

2008-12-08T21:52:00.000+05:30

கார்த்திகை மாதம்
கறிக்கடையில் இறைச்சி வெட்டும்
ஐயப்ப சாமி

சமத்துவம்

2008-12-08T21:48:00.000+05:30

குப்பனுக்கும்,குப்புஸ்வாமிக்கும்
சரிசமமாய் ஒரே இருக்கை:
பேருந்தில்

சேமிப்பும் அவலம் !

2008-12-08T21:43:00.000+05:30

இன்றே சேமித்துவைக்கும்
இந்தியக் 'குடி'மகன்:
நாளை காந்தி ஜெயந்தி

சம்"மதம்" !

2008-12-08T21:39:00.000+05:30

ஆலயம்,பள்ளி,கோவிலில்
எம்மதமும் சம்மதம்:
வாசலில் பிச்சை எடுக்க

அன்பளிப்பு ?

2008-12-08T21:35:00.001+05:30

மனமுவந்து கொடுத்தது
இன்று கட்டாயமானது:
அன்பளிப்பு

என்ன செய்யலாம்?

2008-12-08T21:28:00.000+05:30

கட்டணம் போக நம் பணம்
மீதி கேட்டால் முறைக்கிறார்:
நடத்துனர்

சிறப்பு தரிசனம்

2008-12-08T21:21:00.000+05:30

பத்து ரூபாய் இருந்தால்
பக்கத்தில் பார்க்கலாம்:
கடவுளை

தன்னம்பிக்கை

2008-12-08T21:15:00.000+05:30

உயர்ந்த மரத்தின் மீதிருந்தாலும்
பறவை நம்பியிருக்கிறது :
அதன் சிறகை

தன்னாலான உபகாரம்-2

2008-12-07T11:59:00.000+05:30

நிமிர்ந்து நின்ற பேனா
கவிழ்ந்ததும் நிமிர்த்தியது:
கவிழ்த்தியவனை

தன்னாலான உபகாரம்-1

2008-12-07T11:46:00.001+05:30

கவிழ்ந்து நின்ற கோப்பை
நிமிர்ந்ததும் கவிழ்த்தியது:
நிமிர்த்தியவனை

இட ஒதுக்கீடு

2008-11-14T22:35:00.000+05:30

33% கேட்டுப் போராடும்
தலைவர் வீட்டில் வேலைக்கு
100% பெண்கள்

தாய்மையின் ஏக்கம்

2008-11-14T22:30:00.000+05:30

வைக்கோல் கன்று காட்டி
பாசத்தை காசாக்கும் நோக்கத்தில்
மூழ்கிப்போனது பசுவின் ஏக்கம்

தவறு யாரிடம்?

2008-11-14T22:10:00.000+05:30

கடவுள் நினைத்து,விரதம் இருந்து
தரிசிக்கப்போகும்போது விபத்தில்
சாகும் பக்த்தர்கள்

கையேந்தும் மனம்

2008-11-14T22:03:00.000+05:30

காய்கறிக்காரியிடம் கையேந்தும்
மாடிவீட்டு மகராசி:கூடுதல்
கறிவேப்பிலைக்காக

எதிர்பார்த்து

2008-11-14T22:00:00.000+05:30

சவப்பெட்டியை மூடிய
உடனே திறந்தனர்:
உயில் பெட்டியை

துருப்புச் சீட்டு

2008-11-14T21:53:00.000+05:30

ஆள்பவரை வெளியேற்ற
ஆள நினைப்பவரின் அரசியல்:
ஆண்டவன் பெயரால்

இருப்பிடம்

2008-11-14T21:46:00.000+05:30

ஊரு குளத்தில்,வீட்டுக் கிணற்றில்
தோட்டத்தில் தொட்டிக்குள்:
நிலா

பாதுகாப்புடன் ?

2008-11-14T21:32:00.000+05:30

களவாவதைத் தடுக்க
கட்டப்பட்டுள்ளது சங்கிலியால்
காவல் நிலையத்தில் : டம்ள்ர்

ஆண் பாவம்

2008-11-14T21:28:00.000+05:30

விலங்கில் பறவையில்
ஆண் அழகு.நாம் மட்டும்
பாவமாய்

பயணச் சீட்டு

2008-11-14T21:26:00.000+05:30

நடத்துனர் கொடுப்பார்
எப்போதாவது மொத்தமாய்
ஓட்டுனரும்:டிக்கெட்

பாசம்

2008-11-14T21:22:00.000+05:30

அப்பாவுக்கு நெஞ்சுவலி
எங்களோடு கதறிக்கொண்டே
அவசர ஊர்தி

நம்பிக்கை

2008-11-14T20:46:00.000+05:30

எல்லோரும் எண்ணிப் பார்க்கிறார்கள்
யாருமே நம்பவில்லை:
பணத்தை

பொது அறிவு

2008-11-14T20:40:00.000+05:30

காந்தின்னா தாத்தா
சுதந்திரம்ன்னா லீவு
வேறென்ன தெரியும் நமக்கு

ஏக்கம்

2008-11-14T20:37:00.000+05:30

"இனியொரு விதி செய்வோம்"
சொல்லிகடந்தது ஒரு நூறாண்டு:
இனியாவது செய்வோம்

செருப்பு

2008-11-14T20:28:00.001+05:30

பண்ணையார் தெருவில்
பாதம் தகிக்கும் வெயிலில்
செருப்பு கைகளில்

தன்னை உணர்

2008-10-19T23:31:00.000+05:30

தரம் அறியாமல்,உண்மை
நிலை அறியாமல் பிச்சை
எடுக்கிறது:யானை

கடமை

2008-10-19T23:18:00.000+05:30

ஒருநாளில் இருமுறை சரியாய்
நேரம் காட்டிடும் கடிகாரம்
நின்ற பிறகும்

நடைமுறையில் பிழை

2008-10-19T23:12:00.000+05:30

பெருமை படுத்தும் தபால்தலை
மறுநாளே கரைபடுத்தும்
தபால் நிலையம்

யாருக்கு கல்யாணம்?

2008-10-13T23:08:00.000+05:30

காத்திருக்கிறார்கள் முதிர்கன்னிகள்
மழை வேண்டிக் கல்யாணம்;
கழுதைக்கு

கலி யுகம்

2008-10-13T23:04:00.000+05:30

புதுமனைப் புகுவிழா
முதியோர் இல்லத்தில் பெற்றோர்
அழியும் நாகரிகம்

உள்ளே ஊனம்

2008-10-13T22:58:00.000+05:30

ஊன்று கோல் பயணம்
இடம் மறுக்கும் இளைஞன்
அது 'ஊன்முற்றோர் இறுக்கை"

வாழ்க்கை

2008-10-13T22:56:00.000+05:30

கலங்கி தெளிந்தால்
தான் இனிக்கும்:
வாழ்க்கை

நம் தேசம்

2008-10-13T22:47:00.000+05:30

நீர் மறுக்கும்,உரிமை பறிக்கும்
சுற்றங்கள்.அழியும் அடையாளமாய்
நம் தேசம்

நின்றாவது கேட்க்குமா?

2008-10-13T22:43:00.000+05:30

கோவிலுக்குள் கொள்ளை கண்முன்னால்
தட்டிக் கேட்க்காமல் அமைதியாய்
கடவுள்

ஏழையின் சமயலறை

2008-10-13T22:38:00.000+05:30

"பொருளாதாரம் உயர்வு"அரசு அறிவிப்பு
எப்போதும்போலவே ஏழையின் சமயலறை
"அடுப்பில் தூங்குது பூனை"

காலத்தின் கோலம்

2008-10-13T22:35:00.001+05:30

கலக்கத் தண்ணீர் இல்லை
கலங்கி இருக்கும்
பால்க்காரன்

உயிர் பயம்

2008-10-13T22:02:00.000+05:30

காட்டுக்குள் மனிதன்
கலங்கி நின்றன;
மரங்கள்

தொப்புள் கொடி

2008-10-13T22:00:00.000+05:30

காடுகளை அழித்தனர்
சாலைகளால் இணைத்தனர்
அறுந்தது;தொப்புள் கொடி

கண்ணாடி

2008-10-13T21:55:00.000+05:30

காலை எழுந்தவுடன் உலகம்
தன் முகம் பார்க்கும் கண்ணாடி
புல் நுனி பனித்துளி

சந்தர்ப்பம்

2008-10-13T13:18:00.000+05:30

வாய்ப்பு கிடைத்தால்
சூரியனையே மறைத்திடும்
தெருப்புழுதி

உன் சாவி யாரிடம்?

2008-10-13T13:13:00.000+05:30

அப்பாவுக்கு கொள்ளிவைக்க
அனுமதி கேட்டுக் காத்திருக்கிறேன்
கிடைக்க்கவில்லை : விசா

கடமை

2008-10-13T13:10:00.001+05:30

நிழல்
தருகிறது மரம்
வெட்டுகிறவனுக்கும்

பச்சோந்தியின் தேசப்பற்று

2008-10-13T13:04:00.000+05:30

இந்தியா முன்னேற வேண்டுகிறேன்
கூடுதல் பணிக்கு இடையிலும்:
அமெரிக்காவிலிருந்து

ஆக்கிரமிப்பு

2008-10-13T13:00:00.000+05:30

குளம் முழுவதும் வீடுகள்
அல்லியைத் தேடி அலைகிறது;
நிலா

மாற்றி காத்திருத்தல்

2008-10-13T12:52:00.000+05:30

சாயக்கழிவு.தற்கொலைக்குத்
தயாராகி கொக்குக்காக காத்திருக்கின்றன:
மீன்கள்

செறுப்பு

2008-10-13T12:47:00.001+05:30

இந்தக் கோடையிலாவது பையனின்
ஆசையை நிறைவேற்ற அய்யாவுக்கும்
ஆசை:செறுப்பு

தாய்மை

2008-10-13T12:43:00.000+05:30

பாய் வற்றி அடிமாடாகி வாசல்
தாண்டுகையில் மனதினில் சலனம்;
வீட்டிற்குள்ளிருந்து கேட்க்கும்
குழந்தையின் அழுகுரல்

கிரிக்கெட்டில் வெற்றி நிச்சயம்

2008-10-13T12:33:00.000+05:30

அரை இறுதியில் ஜெயித்தவுடன்
இறுதி வெற்றியையும் சேர்த்து
கொண்டாடும் நாடுகள்:
பைனலில் இந்தியா

துணை

2008-10-13T12:30:00.000+05:30

ஆற்று வெள்ளத்தில் அலைகளியும்
அரச இலைக்கு ஒரே ஆறுதல்
அதன் மேலுள்ள சிற்றெறும்பு

போதி மரம்

2008-10-13T12:27:00.000+05:30

குடத்துடன் பெண்கள் வரிசையில்
படும் வேதனை ஆண்களுக்கும்
உணர்த்தியது:பெட்ரோல் பங்க்

கலவரமாய் நிலவரம்

2008-10-13T12:20:00.000+05:30

குழந்தைக்கு தடுப்பூசி போதும்
ஒருமுறை.தேவையே இருக்காது
மறுமுறை

சுய நலம்

2008-10-13T12:17:00.000+05:30

குஞ்சு பொறிக்காத முட்டை
முட்டை இடாத கோழி
சுழற்சியை மாற்றிய
சுயநல மனிதன்

வாக்குறுதிக்கு மட்டும்

2008-10-13T12:12:00.000+05:30

"குழந்தை தொழில் ஒழிப்பு"
கூட்டத்தின் நுழைவாயிலில்
செருப்பு துடைக்கும் சிறுவன்

காவ(லி)ல் நிலையம்

2008-10-13T12:10:00.000+05:30

வாசலில் துப்பாக்கிக் காவல்
எந்தநேரமும் முழுப் பாதுகாப்பில்
காவல் நிலையம்

ஒதுக்கீடு

2008-10-13T10:16:00.000+05:30

அமைச்சர் மகனுக்கு
அரசு கல்லூரியில் இடம்
இட ஒதுக்கீட்டில்

முடிவு உன்னிடம்

2008-10-13T10:11:00.000+05:30

கடவுளுக்கு கடைசிகால பூசை
பெருசுக்கு கடைசிநேர அஞ்சலி
பூக்கடையில் ஒரேஒரு மாலை

கொடுத்துவைத்த அலமாரி

2008-10-13T10:06:00.000+05:30

மடிப்புகலையாமல் சட்டை அலமாரிக்குள்
அப்பா எப்போதும் ஓட்டைப்
பனியனுக்குள்

பயணம் ?

2008-10-13T10:02:00.000+05:30

வேலியாய் இருந்தும் வெட்டப்பட்ட
சாலையோர மரங்கள்:இனி
பயணம் பாதுகாப்பற்றது

முற்போக்கு சிந்தனை

2008-10-13T10:00:00.000+05:30

விதவை பார்க்கும்போதெல்லாம்
சுமங்கலியாக்குகிறது:கண்ணாடியில்
உள்ள பொட்டு

அவசரம்

2008-10-13T09:58:00.001+05:30

பின்னால் இருந்து சாமி கும்பிட்டு
முன்னால் இடம்பிடிக்க அவசரமாய்
ஓட்டம்:கரகாட்டம் ஆரம்பம்

ஆணை

2008-10-13T09:55:00.000+05:30

போக்குவரத்து சரிசெய்யும் காவலர்
கையில் நிற்கச்சொல்லும் பலகை
தலைகீழாய்

மறைந்த உண்மை

2008-10-13T09:52:00.000+05:30

சிலையின் அழகில் மறைந்து
போனது உளியும் வாங்கிய
அடி

அனுமதி

2008-10-12T22:36:00.000+05:30

அனுமதியின்றி முத்தமிட்டு
அடி வாங்கி சாகிறது:
கொசு

உளியின் ஓசை

2008-10-12T22:32:00.000+05:30

உச்சந்தலையில் வாங்கிய அடி
உள்ளங்காலில் வெளியேறியது:
கல் சிலையானது

சுடும் போட்டி

2008-10-12T22:27:00.000+05:30

துப்பாக்கி சுடும் போட்டி
தடை பட்டது:துப்பாக்கியே
சுடப்பட்டதால்

சொர்க்கலோகப் பாதையில்

2008-10-12T22:19:00.000+05:30

உடல் விடுத்த மேலுலகப்பயணம்
சகுனம் சரியில்லை;குறுக்கே பாயும்
செயற்கைக்கோள்

ஆக்கிரமிப்பு

2008-10-12T22:17:00.000+05:30

வான் வெளியிலும் மனிதக்
கழிவுகள்:செயல் இழந்த
செயற்கை கோள்கள்

வருடம் முழுவதும்

2008-10-12T22:13:00.001+05:30

வராத நதியில் வருடம்
முழுவதும் தண்ணீர்:
கானல்

உனக்காக

2008-10-12T22:11:00.001+05:30

உனக்காக மழைவேண்டி
வான் நோக்கிக் கைவிரித்து
பிச்சை கேட்க்கும் மரம்

எளியோர் உழைப்பு

2008-10-12T22:07:00.000+05:30

இருவரின் உழைப்பு
கலைக்க எல்லோரும் ஆர்வமாய்:
குருவிக் கூடு

பூகம்பம்

2008-10-12T21:36:00.000+05:30

பசி எடுக்கும் போதெல்லாம்
தன் வயிரையே உண்ணும்:
பூமி