இறந்தகாலத்தில் நிகழ்காலம்

புதைபொருள் ஆராய்ச்சி
முதுமக்கள் தாழி : உள்ளே
சிதைந்த சிம்கார்டு

கூடா நட்பு

பத்தில் ஒன்றுக்கே விசம்
அடிபட்டுச் சாகின்றன
மற்ற ஒன்பதும்

மின் தடையால் :

நகரஇரவில் மின்தடையில்
தெளிவாகத் தெரிகின்றன :
நட்சத்திரங்கள்

சரியாகாத வியாதி

இரவில் நடக்கும் வியாதி
இன்னும் சரியாகவில்லை
நிலாவுக்கு

திட்டமிடு

நிதானமாய்த் திட்டமிட்டால்
நடக்காமல் தடுக்கலாம்
கடைசி நேர ஓட்டத்தை

களங்கம் இருந்தாலும்...

களங்கம் குறை இருந்தாலும்
அழகுக்கு எடுத்துக்காட்டாய்
என்றென்றும் : நிலா

மேகம்

என் தூண்டிலில் சிக்கவே இல்லை
குளத்துக்குள் நகர்ந்துகொண்டு
இருக்கும் : மேகம்

நியாயவிலைக் கடை

ஏழை துயர் துடைக்கும் அரசாங்கக்கடை
இருப்பில் இருக்கும் எப்போதும்
இருப்பு இல்லை என்ற பதில்

பதட்டம்

திடீர் மழையில்
ஒதுங்க இடம்தேடி ஓடுபவர்
கையில் விரிக்காத குடை

ரத்தம் உறியும் அட்டை

உயிர் இருக்கும் வரை உறியும்
உயிரே இல்லாத
கடன் அட்டை

வாடிய பூ

விற்காத பூக்கள் வாடாமல் கூடையில்
வாடிப்போன அரும்பாக
பூ விற்கும் சிறுமி

பட்ட மரம்

பட்ட மரத்தின் இலையில்லா கிளைகளில்
பச்சை பச்சையாய் அசையும் :
கிளிகள்

உயிரா?உயிலா?

உயிர் துறந்தவரை அனுப்பிவிட்டு
உயில் திறக்கும் ஆர்வத்தில்
அவசரமாய் வாரிசுகள்

சூத்திரம்

சாதி ஒழிப்புப் போராட்டம்
முடிந்த அடுத்தக் கட்டம்
இட ஒதுக்கீடு ஆர்ப்பாட்டம்

நிழல்!

நாலு தலைமுறை இளைப்பாறிய மரம்
வெட்டிய இடத்தில் நாலு பேர்
தங்கிச் செல்லும் நிழற்குடை

மறக்காமல்..

குடை மறந்த நாளில்
மறக்காமல் வந்தது :
மழை

ஆண்களுக்கும் பிரசவ வேதனை..!

பெண்களின் பிரசவ வேதனை
ஆண்களுக்கும் உணர்த்தியது:
பெட்ரோல் பங்க்

கணினி

எலியின் வால் பிடித்து
சன்னலுக்குள் எட்டிப்பார்த்தால்
விரிகிறது உலகம்

குழப்பினால் நல்லது

தெளிந்த குளத்தை
கலக்கினால் நல்லது தான் :
மீன் பிடிக்க

வளர்ச்சியால் வீழ்ச்சி

வளர்ந்தது விஞ்ஞானம்
சுருங்கியது நேரமும் தூரமும்
கூடவே உறவும் உணர்வும்

பேராசை

அறுசுவையில் சோறு
ஆங்கிலத்தில் பேரு :பிறக்க
ஏங்குகிறாள் மாடிவீட்டில் நாயாக

தேவையில்லை கருத்தடை

அறுவடை நெல்லை மறுபடி
விதைத்தால் முளைக்காதாம் :
இதற்குமா கருத்தடை

வாழ்வாதாரம்

எப்படியும் கிடைக்கும் சாப்பாடு
வயல் விற்றான் நம்பிக்கையோடு:
பயல் படிப்புக்காக

தேவையில்லா சாதனை

ஒரு தலைமுறையோடு நிறுத்திக்
கொள்ளும் நெல்லும் கோழியும் :
மரபணு சாதனையால் வந்த சோதனை

அரசியலில்....

மரம் நடும் விழா
குழப்பத்தில் குடிமகன்
நடப்படுகிறது செடி

உண்மை

சமையல்காரர் ருசிபார்த்தபின்
மிச்சத்தில் பசியாறுகிறார்:
முதலாளி

பாரம்பரியத்தின் விலை

வெறும் ஆயிரம் விலைபோனது
நூறு ஆயிரம் கரு சுமந்த
மரம்

மூன்றாம் சாதி !

"சாதி இரண்டொழிய வேறில்லை"
மற்றொன்றும் உண்டு:அது
ஏமாறும் சாதி

பேருந்து

இல்லாதவரிடம் எதிர்பார்த்து எதிரே
இருப்பவர் நிற்கிறார் :எழுந்தவுடன்
இடம் பிடிக்க

தொழிலே தெய்வம்

கார்த்திகை மாதம்
கறிக்கடையில் இறைச்சி வெட்டும்
ஐயப்ப சாமி

சமத்துவம்

குப்பனுக்கும்,குப்புஸ்வாமிக்கும்
சரிசமமாய் ஒரே இருக்கை:
பேருந்தில்

சேமிப்பும் அவலம் !

இன்றே சேமித்துவைக்கும்
இந்தியக் 'குடி'மகன்:
நாளை காந்தி ஜெயந்தி

சம்"மதம்" !

ஆலயம்,பள்ளி,கோவிலில்
எம்மதமும் சம்மதம்:
வாசலில் பிச்சை எடுக்க

அன்பளிப்பு ?

மனமுவந்து கொடுத்தது
இன்று கட்டாயமானது:
அன்பளிப்பு

என்ன செய்யலாம்?

கட்டணம் போக நம் பணம்
மீதி கேட்டால் முறைக்கிறார்:
நடத்துனர்

சிறப்பு தரிசனம்

பத்து ரூபாய் இருந்தால்
பக்கத்தில் பார்க்கலாம்:
கடவுளை

தன்னம்பிக்கை

உயர்ந்த மரத்தின் மீதிருந்தாலும்
பறவை நம்பியிருக்கிறது :
அதன் சிறகை

தன்னாலான உபகாரம்-2

நிமிர்ந்து நின்ற பேனா
கவிழ்ந்ததும் நிமிர்த்தியது:
கவிழ்த்தியவனை

தன்னாலான உபகாரம்-1

கவிழ்ந்து நின்ற கோப்பை
நிமிர்ந்ததும் கவிழ்த்தியது:
நிமிர்த்தியவனை

இட ஒதுக்கீடு

33% கேட்டுப் போராடும்
தலைவர் வீட்டில் வேலைக்கு
100% பெண்கள்

தாய்மையின் ஏக்கம்

வைக்கோல் கன்று காட்டி
பாசத்தை காசாக்கும் நோக்கத்தில்
மூழ்கிப்போனது பசுவின் ஏக்கம்

தவறு யாரிடம்?

கடவுள் நினைத்து,விரதம் இருந்து
தரிசிக்கப்போகும்போது விபத்தில்
சாகும் பக்த்தர்கள்

கையேந்தும் மனம்

காய்கறிக்காரியிடம் கையேந்தும்
மாடிவீட்டு மகராசி:கூடுதல்
கறிவேப்பிலைக்காக

எதிர்பார்த்து

சவப்பெட்டியை மூடிய
உடனே திறந்தனர்:
உயில் பெட்டியை

துருப்புச் சீட்டு

ஆள்பவரை வெளியேற்ற
ஆள நினைப்பவரின் அரசியல்:
ஆண்டவன் பெயரால்

இருப்பிடம்

ஊரு குளத்தில்,வீட்டுக் கிணற்றில்
தோட்டத்தில் தொட்டிக்குள்:
நிலா

பாதுகாப்புடன் ?

களவாவதைத் தடுக்க
கட்டப்பட்டுள்ளது சங்கிலியால்
காவல் நிலையத்தில் : டம்ள்ர்

ஆண் பாவம்

விலங்கில் பறவையில்
ஆண் அழகு.நாம் மட்டும்
பாவமாய்

பயணச் சீட்டு

நடத்துனர் கொடுப்பார்
எப்போதாவது மொத்தமாய்
ஓட்டுனரும்:டிக்கெட்

பாசம்

அப்பாவுக்கு நெஞ்சுவலி
எங்களோடு கதறிக்கொண்டே
அவசர ஊர்தி

நம்பிக்கை

எல்லோரும் எண்ணிப் பார்க்கிறார்கள்
யாருமே நம்பவில்லை:
பணத்தை

பொது அறிவு

காந்தின்னா தாத்தா
சுதந்திரம்ன்னா லீவு
வேறென்ன தெரியும் நமக்கு

ஏக்கம்

"இனியொரு விதி செய்வோம்"
சொல்லிகடந்தது ஒரு நூறாண்டு:
இனியாவது செய்வோம்

செருப்பு

பண்ணையார் தெருவில்
பாதம் தகிக்கும் வெயிலில்
செருப்பு கைகளில்

தன்னை உணர்

தரம் அறியாமல்,உண்மை
நிலை அறியாமல் பிச்சை
எடுக்கிறது:யானை

கடமை

ஒருநாளில் இருமுறை சரியாய்
நேரம் காட்டிடும் கடிகாரம்
நின்ற பிறகும்

நடைமுறையில் பிழை

பெருமை படுத்தும் தபால்தலை
மறுநாளே கரைபடுத்தும்
தபால் நிலையம்

யாருக்கு கல்யாணம்?

காத்திருக்கிறார்கள் முதிர்கன்னிகள்
மழை வேண்டிக் கல்யாணம்;
கழுதைக்கு

கலி யுகம்

புதுமனைப் புகுவிழா
முதியோர் இல்லத்தில் பெற்றோர்
அழியும் நாகரிகம்

உள்ளே ஊனம்

ஊன்று கோல் பயணம்
இடம் மறுக்கும் இளைஞன்
அது 'ஊன்முற்றோர் இறுக்கை"

வாழ்க்கை

கலங்கி தெளிந்தால்
தான் இனிக்கும்:
வாழ்க்கை

நம் தேசம்

நீர் மறுக்கும்,உரிமை பறிக்கும்
சுற்றங்கள்.அழியும் அடையாளமாய்
நம் தேசம்

நின்றாவது கேட்க்குமா?

கோவிலுக்குள் கொள்ளை கண்முன்னால்
தட்டிக் கேட்க்காமல் அமைதியாய்
கடவுள்

ஏழையின் சமயலறை

"பொருளாதாரம் உயர்வு"அரசு அறிவிப்பு
எப்போதும்போலவே ஏழையின் சமயலறை
"அடுப்பில் தூங்குது பூனை"

காலத்தின் கோலம்

கலக்கத் தண்ணீர் இல்லை
கலங்கி இருக்கும்
பால்க்காரன்

உயிர் பயம்

காட்டுக்குள் மனிதன்
கலங்கி நின்றன;
மரங்கள்

தொப்புள் கொடி

காடுகளை அழித்தனர்
சாலைகளால் இணைத்தனர்
அறுந்தது;தொப்புள் கொடி

கண்ணாடி

காலை எழுந்தவுடன் உலகம்
தன் முகம் பார்க்கும் கண்ணாடி
புல் நுனி பனித்துளி

சந்தர்ப்பம்

வாய்ப்பு கிடைத்தால்
சூரியனையே மறைத்திடும்
தெருப்புழுதி

உன் சாவி யாரிடம்?

அப்பாவுக்கு கொள்ளிவைக்க
அனுமதி கேட்டுக் காத்திருக்கிறேன்
கிடைக்க்கவில்லை : விசா

கடமை

நிழல்
தருகிறது மரம்
வெட்டுகிறவனுக்கும்

பச்சோந்தியின் தேசப்பற்று

இந்தியா முன்னேற வேண்டுகிறேன்
கூடுதல் பணிக்கு இடையிலும்:
அமெரிக்காவிலிருந்து

ஆக்கிரமிப்பு

குளம் முழுவதும் வீடுகள்
அல்லியைத் தேடி அலைகிறது;
நிலா

மாற்றி காத்திருத்தல்

சாயக்கழிவு.தற்கொலைக்குத்
தயாராகி கொக்குக்காக காத்திருக்கின்றன:
மீன்கள்

செறுப்பு

இந்தக் கோடையிலாவது பையனின்
ஆசையை நிறைவேற்ற அய்யாவுக்கும்
ஆசை:செறுப்பு

தாய்மை

பாய் வற்றி அடிமாடாகி வாசல்
தாண்டுகையில் மனதினில் சலனம்;
வீட்டிற்குள்ளிருந்து கேட்க்கும்
குழந்தையின் அழுகுரல்

கிரிக்கெட்டில் வெற்றி நிச்சயம்

அரை இறுதியில் ஜெயித்தவுடன்
இறுதி வெற்றியையும் சேர்த்து
கொண்டாடும் நாடுகள்:
பைனலில் இந்தியா

துணை

ஆற்று வெள்ளத்தில் அலைகளியும்
அரச இலைக்கு ஒரே ஆறுதல்
அதன் மேலுள்ள சிற்றெறும்பு

போதி மரம்

குடத்துடன் பெண்கள் வரிசையில்
படும் வேதனை ஆண்களுக்கும்
உணர்த்தியது:பெட்ரோல் பங்க்

கலவரமாய் நிலவரம்

குழந்தைக்கு தடுப்பூசி போதும்
ஒருமுறை.தேவையே இருக்காது
மறுமுறை

சுய நலம்

குஞ்சு பொறிக்காத முட்டை
முட்டை இடாத கோழி
சுழற்சியை மாற்றிய
சுயநல மனிதன்

வாக்குறுதிக்கு மட்டும்

"குழந்தை தொழில் ஒழிப்பு"
கூட்டத்தின் நுழைவாயிலில்
செருப்பு துடைக்கும் சிறுவன்

காவ(லி)ல் நிலையம்

வாசலில் துப்பாக்கிக் காவல்
எந்தநேரமும் முழுப் பாதுகாப்பில்
காவல் நிலையம்

ஒதுக்கீடு

அமைச்சர் மகனுக்கு
அரசு கல்லூரியில் இடம்
இட ஒதுக்கீட்டில்

முடிவு உன்னிடம்

கடவுளுக்கு கடைசிகால பூசை
பெருசுக்கு கடைசிநேர அஞ்சலி
பூக்கடையில் ஒரேஒரு மாலை

கொடுத்துவைத்த அலமாரி

மடிப்புகலையாமல் சட்டை அலமாரிக்குள்
அப்பா எப்போதும் ஓட்டைப்
பனியனுக்குள்

பயணம் ?

வேலியாய் இருந்தும் வெட்டப்பட்ட
சாலையோர மரங்கள்:இனி
பயணம் பாதுகாப்பற்றது

முற்போக்கு சிந்தனை

விதவை பார்க்கும்போதெல்லாம்
சுமங்கலியாக்குகிறது:கண்ணாடியில்
உள்ள பொட்டு

அவசரம்

பின்னால் இருந்து சாமி கும்பிட்டு
முன்னால் இடம்பிடிக்க அவசரமாய்
ஓட்டம்:கரகாட்டம் ஆரம்பம்

ஆணை

போக்குவரத்து சரிசெய்யும் காவலர்
கையில் நிற்கச்சொல்லும் பலகை
தலைகீழாய்

மறைந்த உண்மை

சிலையின் அழகில் மறைந்து
போனது உளியும் வாங்கிய
அடி

அனுமதி

அனுமதியின்றி முத்தமிட்டு
அடி வாங்கி சாகிறது:
கொசு

உளியின் ஓசை

உச்சந்தலையில் வாங்கிய அடி
உள்ளங்காலில் வெளியேறியது:
கல் சிலையானது

சுடும் போட்டி

துப்பாக்கி சுடும் போட்டி
தடை பட்டது:துப்பாக்கியே
சுடப்பட்டதால்

சொர்க்கலோகப் பாதையில்

உடல் விடுத்த மேலுலகப்பயணம்
சகுனம் சரியில்லை;குறுக்கே பாயும்
செயற்கைக்கோள்

ஆக்கிரமிப்பு

வான் வெளியிலும் மனிதக்
கழிவுகள்:செயல் இழந்த
செயற்கை கோள்கள்

வருடம் முழுவதும்

வராத நதியில் வருடம்
முழுவதும் தண்ணீர்:
கானல்

உனக்காக

உனக்காக மழைவேண்டி
வான் நோக்கிக் கைவிரித்து
பிச்சை கேட்க்கும் மரம்

எளியோர் உழைப்பு

இருவரின் உழைப்பு
கலைக்க எல்லோரும் ஆர்வமாய்:
குருவிக் கூடு

பூகம்பம்

பசி எடுக்கும் போதெல்லாம்
தன் வயிரையே உண்ணும்:
பூமி